កាលពីបីឆ្នាំមុនមិនដែលគិតថាចង់រៀនភាសាអង់គ្លេសនៅសាលាភាសាអង់គ្លេសអ៊ែតនិចនោះទេព្រោះគិតថាជាសាលាតូចមួយមិនល្បីឈ្មោះប៉ុន្តែក្រោយពីទទួលបានការណែនាំជាច្រើនពីមនុស្សជុំវិញខ្លួនទើបដឹងថាការគិតរបស់ខ្ញុំខុសស្រឡះ។ ក្រោយពីបានចូលសិក្សានៅសាលារៀនមក ខ្ញុំបានទទួលការអប់រំនិងការយកចិត្តទុកដាក់ពីលោកគ្រូអ្នកគ្រូ ដែលធ្វើឲ្យខ្ញុំមានភាពកក់ក្តៅនិងរីករាយក្នុងការរៀនសូត្រភាសាអង់គ្លេសរហូតដល់ទទួលបានពិន្ទុក្នុងការប្រលងនិយាយយ៉ាងល្អប្រសើរ ពីព្រោះថាខ្ញុំជាមនុស្សម្នាក់មិនសូវពូកែក្នុងការទំនាក់ទំនងនោះទេ។ ការយកទុកដាក់ពីសំណាក់នាយកសាលា លោកគ្រូអ្នកគ្រូ បុគ្គលិកទាំងអស់ បានធ្វើឲ្យខ្ញុំមានអារម្មណ៏ថាពួកគាត់ជាគ្រួសារទី២របស់ខ្ញុំអញ្ចឹងដែលខ្ញុំមិនធុញនៅក្នុងការទៅសាលារៀននោះទេ។

ខ្ញុំមិនយល់ពីភាពចាំបាច់នៃការទទួលបានជំនាញភាសាអង់គ្លេសដែលមានលក្ខណៈជាស្តង់ដាររហូតដល់ខ្ញុំបានចូលរៀននៅសាលាភាសាអង់គ្លេសអ៊ែតនិច។ តាមរយៈបទពិសោធសិក្សារបស់ខ្ញុំនៅទីនេះ អ៊ែតនិចបានលើកទឹកចិត្តខ្ញុំឱ្យទទួលបានចំណេះដឹងយ៉ាងច្រើនក្នុងភាសាអង់គ្លេស។ ខ្ញុំអាចទទួលបានពិន្ទុសរុប៧.៥ នៅលើតេស្ត IELTS ដោយសារបរិយាកាសសិក្សានិងកម្មវិធីសិក្សាល្អក៏ដូចជាគ្រូដែលគួរឲ្យគោរពស្រឡាញ់។

ជាបឋមខ្ញុំពិតជាមានសេចក្តីរីករាយណាស់ដែលខ្ញុំអាចរៀនភាសាអង់គ្លេសនៅអ៊ែតនិចដែលជាសាលាដែលអនុញ្ញាតឱ្យខ្ញុំយកជំនាញនិងចំណេះដឹងរបស់ខ្ញុំទៅអនុវត្ត។គ្រូមានការយកចិត្តទុកដាក់ចំពោះសិស្សហើយវិធីសាស្រ្តបង្រៀនក៏ប្រកបដោយប្រសិទ្ធភាពចំណែកឯបរិយាកាសនៃថ្នាក់រៀនប្រកបដោយផាសុខភាពដែលជាកត្តារួមចំណែកលើកទឹកចិត្តខ្ញុំអោយបន្តឆ្ពោះទៅរកគោលដៅដែលខ្ញុំចង់បាន។ ជាលទ្ធផលខ្ញុំទទួលបានពិន្ទុដ៏ល្អក្នុងតេស្ត IELTSនិងក្លាយជាបុគ្គលប្រសើរម្នាក់។